केरला राज्यमा पतिले पत्नीलाई मुख्यसचिवको जिम्मेवारी दिएर अवकाश लिएको यो पहिलो घटना भएको एजेन्सीले बताएको हो । एक समारोहमा डा. भेणुले शारदालाई पद हस्तान्तरण गरेका थिए । केरल सरकारले २१ अगस्टमा शारदालाई नियुक्त गरेको पुष्टि गरेको थियो । यसअघि उनी सरकारमा अतिरिक्त मुख्यसचिव (योजना तथा आर्थिक मामिला) पदमा कार्यरत थिइन् ।
भेणु र शारदा एक साथ भारतीय प्रशासन सेवा (आईएएस)मा प्रवेश गरेका थिए । उनीहरू १९९० ब्याचका आईएएस अधिकारी हुन् । नवनियुक्त मुख्यसचिव शारदाले ८ महिना प्रशासनिक नेतृत्व गर्नेछिन् । त्यसपछि उनले पनि अवकाश पाउनेछिन् ।
