अहिले पनि हतियारको धम्की दिने ? ४-५ हजार मान्छे हुन्छन् निकालौं हतियार ? पड्काइदिउँ ? भनेर धम्काउँछन् । कसलाई धम्काएको ? कसलाई सुनाएको ? नेपाली समाजलाई होइन ? यस्ता प्रवृत्ति छन् । कसैले किस्तिमा सजाएर दिएको डेमोक्रेसी होइन ।

बलिदान र संघर्षबाट प्राप्त गरेको हो । ज्यान दिएर, जेलनेल गरेर, भूमिगत भएर प्राप्त गरेको हो । म भन्न चाहन्छु, दुई–चार अराजक तत्वहरु सडकमा उफ्रिएर नेपालमा डेमोक्रेसी खत्तम हुँदैन, हुन दिइने छैन । जरुरी पर्दा राजनीति के हो, देशका लागि राजनीति कस्तो हुनुपर्छ र राजनीतिलाई कसरी बचाउनुपर्छ बुझेका छौं । हामी हतियार चलाउन बिर्सेका छैनौं भन्दैमा आत्तिनुपर्ने अवस्था छैन । झूटो बोल्नेमा एकजना, दुईजना होइन, एउटा गिरोह नै छ ।

म कसैको नाम लिन चाहन्न, तपाईंहरुले देखिरहनु भएको छ । हामी देखिरहेका छौं । यस्ता प्रवृत्तिहरु बंगलादेशमा अलिकति के भाको थियो, नेपालमा बंगलादेश बनाइदिन्छौं भन्नेहरु पनि निस्किए । रास्वपा प्रति निकै आक्रामक देखिएका ओलीले  अदालतअगाडि गएर उफ्रिएको छ, दवाव दिएको छ, कराएको छ  यो के तरिका हो भन्दै प्रश्न गरे । हाम्रो मान्छे छोड्दे भन्ने एउटा कुरा हुन्छ, अरुलाई तथानाम गाली गरेको छ, असभ्यता देखाएको छ । साह्रै घिनलाग्दो स्तरमा झरेको छ । त्यस्तोमा कोही फेरि माननीय सांसद भनिएकाहरु छन् । कोही चुनेका, कोही टिपेका, विभिन्न खालका । भेट्दा माननीय भन्नुपर्छ, बोलि सुन्दाखेरी अचम्म लाग्छ ।  यो उनको रास्वपाले गरेको पोखरा आन्दोलन प्रति इंकित टिप्पणी हो ।