कुल बहादुर बस्नेत
असोज १२, काठामाडौं।
काठमाडौंको नागढुंगादेखि मुनि झ्याप्लेखोला पहिरोमा पुरिएको दुईवटा माईक्रोबस बाट १४ जनाको शव निकालिएको छ । शनिबार बिहान पहिरो जाँदा धादिङ जिल्लाको झ्याप्ले खोलामा माइक्रोबसहरु पुरिएका थिए । त्यस क्रममा लु १ ज ४५७८ नम्बरको माइक्रोबसबाट ५ वटा शव निकालिएको छ ।
त्यस्तै, नम्बर नखुलेको अर्को माईक्रो बसबाट ९ जनाको शव निकालिएको जिल्ला प्रहरी परिसर काठमाडौंका प्रवक्ता एसपी नवराज अधिकारीले जानकारी दिए । पहिरोले पुरिएका ती माईक्रोबसहरु शनिबार साँझ एक्साभेटरको सहायताले निकालिएको हो ।
