उद्योगहरुमा तत्काल बिजुली उपलव्ध गराउन प्रधानमन्त्रीको निर्देशन।

ताजा अपडेट

प्रधानमन्त्री केपी शर्मा ओलीले बिजुली काटिएका उद्योगहरूमा तत्काल लाइन जोड्न नेपाल विद्युत प्राधिकरणलाई निर्देशन दिएका छन्। शुक्रबार प्राधिकरणका कार्यकारी निर्देशक कुलमान घिसिङसहित लाई बोलाएर लाइन काटिएका उद्योगमा तत्काल जोडिदिन उनले निर्देशन दिएको स्रोतले बताएको छ।

प्राधिकरणले डेडिकेटेड र ट्रंक लाइनको बक्यौता नतिरेको भन्दै केही उद्योगमा लाइन काटेको छ। यसमा विषयमा विवाद रहेको र न्यायिक समितिले दिएको प्रतिवेदनका आधारमा विवाद सुझाउन सरोकारवालाले आग्रह गरेका छन्। यो समयमा प्राधिकरणले बत्ती काटेपछि उद्योगीहरू रूष्ट बनेका थिए।

शुक्रबार प्रधानमन्त्री ओलीले उद्योगमन्त्री दामोदर भण्डारी, ऊर्जामन्त्री दीपक खड्का, कार्यकारी निर्देशक घिसिङ र उद्योगीहरूका तर्फबाट पशुपति मुरारका र अमित मोर लगायतसँग छलफल गरेका हुन्। प्रधानमन्त्री ओलीले कुनै पनि बाहना नगरी लाइन जोड्न भनेका सहभागीहरूले बताएका छन्।

प्राधिकरणका कार्यकारी निर्देशक घिसिङले प्राधिकरण बोर्ड बैठकबाट निर्णय लिने प्रतिबद्धता जनाएको पनि छलफलमा सहभागीले बताए।

ऊर्जा , जलस्रोत तथा सिँचाइ मन्त्री दीपक खड्काले शुक्रबारको बैठक सकिएको तर उल्लेख्य निर्णय नलिइएको बताए। आजका लागि बोर्ड बैठक सकिएको छ। आज छलफल गर्‍यौं ढिला पनि भयो छलफल सकारात्मक छ। आज केही निर्णय लिएका छैनौं। आइतबार फेरि बैठक बसेर टुंग्याउने मन्त्री खड्काले स्पष्ट पारे।

यसअघि प्राधिकरणले डेडिकेटेड र ट्रंक लाइनको अतिरिक्त शुल्कको बक्यौता भुक्तानी गर्न किस्ताबन्दीको सुविधा दिएको थियो।

उद्योगहरुमा तत्काल बिजुली उपलव्ध गराउन प्रधानमन्त्रीको निर्देशन।

यो खबर पढेर तपाईलाई कस्तो महसुस भयो ?

प्रतिक्रिया

सम्बन्धित खवर

ताजा समाचार